حملة حماية الكل يدخل مهم جدا وارجو التثبيت - منتديات زووم إن - زووم

manosha_79 · 19-Mar-2008, 06:55 PM

السلام عليكم
انا حدخل فى الموضوع علطول وبدون مقدمات لان لازم كلنا نترحك والموضوع مش مستحمل هزار
دلوقتى احنا عندنا 10 مليون مدمن فى الوطن العربى عايزين نبتدى نعالج خمسة الاف مدمن
ولازم كلنا نشارك على اللينك ده

http://www.facebook.com/group.php?gid=24349481064
وايضا على موقع الاستاذ عمرو خالد : amrkhaled.net

اهداف الحملة:
* نطبع بوسترات الحملة ونوزعها فى كل حتة ومش شرط نطبعها على هيئة ستيكرز و ياريت توزعوها فى كل حتة زى النادى فى الشارع على اى مبنى ممكن تروحوا تتفقوا مع بتوع الدلفرى وتدلهم كام بوستر من دول بحث انهم بيقدروا يوصولوا للناس فى الشقق يقدروا يوصلوا ليهم فكرة الحملة
*فى صور للحملة نطبعها كورق عادى من اى مكتبة ابيض واسود ونوزعها على المدارس ونعمل مسابقة تلوين بين الاطفال ونخلى كل واحد من الاهالى يمدى على ظهر الورقة بيحث نضمن ان فكرة الحملة توصل لاكبر عدد من الناس والفائز من الاطفال يكون ليه جايزة
* فى تسجيل للاستاذ عمرو خالد بيتكلم فيه عن الحملة ححطوه عشان تحطوه على موبيلاتكم وتبتدوا تنشروه بين اصحابكم
* اغانى الحملة حنزلهلكم وفدويهات الحملة كمان وكل ده لازم تنشروه بين اصحابكم
* الى فى كلية صيدلة اسكندرية ياريت يشترك فى حملة حماية الى هناك

اهم حاجة::
*ماحدش يقول وانا مالى يا ستى هو انا مدمن
لالالا الادمان ده ممكن يوصل لاختك لابنك لاى حد قريب ليك وانت مش عارف
لازم تشارك معنا لازم تنزل تتعامل معاهم انت مش حتخسر حاجة كلنا مسؤلين خليكوا ايجابين

ثواب الحملة::
انك تساعد واحد انه يتعالج ده ليه ثواب عظيم جدا
فاكرين قصة المرأة الى كانت بتشتغل فى البغى فى الحرام يعنى فشافت كلب بيلهث التراب (عطشان)
فا سقت الكلب فشكر الله لها فا غفر لها ربنا غفر لها عشان سقت كلب مابلكم بقى انك تعالج انسان مدمن
وحديث الرسول صلى الله عليه وسلم
( من مشى فى حاجة اخيه كان الله فى حاجته)
يعنى الى يشمى فى انقاذ انسان يوم ما حتتزنق ربنا حيساعدك

يا جماعة لازم كلنا نتحرك خليكوا ايجااااااااااااااااااااااااااااااااااااااااااااااا ااااااااااابين

اتمنى منكم التفاعل والمشاركة

Candy · 19-Mar-2008, 09:03 PM

جزاك الله خير يامنوشا

ان شاء الله الجميع يكون في نصرة الاسلام والمسلمين ونساعد في نشر الفضيله ونمنع الرذائل

وبكل تأكيد السعي وراء علاج مسلم من الادمان فيه من الاجر والثواب الشيء الكثير

manosha_79 · 19-Mar-2008, 09:53 PM

شكرا على ردك بس الادمان ده مش بيوصل بس للمسلمين ما هو بيوصل للمسحيين احنا الى بنكلم عليه مش مسلم ولا مسيحى احنا بنتكلم عن الشاباب عموما لازم بجد الكل يشارك
ودة بوستر الحملة
http://www.2shared.com/file/3012826/...8301_3927.html
وده بوستر الحملة بس ابيض واسود
http://www.2shared.com/file/3012833/...6267_8924.html
وده التسجيل بصوت عمرو خالد بيتكلم فيه عن الحملة

http://www.2shared.com/file/2994296/...g_Object_.html

وده رابط الحملة على الفايس بوك
http://www.facebook.com/group.php?gid=24349481064

karimadel · 19-Mar-2008, 10:47 PM

فعلا يا جماعة كل كلام منوشة صح و كمان مش بنتكلم فى الدين اذا كان مسلم او مسيحى .. لا طبعا دة للشباب عموما

لازم نوقف هذا الادمان لمستقبل البشر و مستقبلنا احنا ايضا انا هن نفسى الموضوع دة عجبنى جداا و ربنا معانا كلنا

لــــــــى ع ـــــــــودة

ملك روحى · 20-Mar-2008, 12:15 AM

جزاكى اللة كل خير
يا منوشة على الطرح
الطيب

بنت الشام · 20-Mar-2008, 12:23 AM

شكرا منوشة للتوبيك الجميل ولازم كلنا نساعد بعض ونبقى ايد وحدة شكرا ليكي

manosha_79 · 20-Mar-2008, 01:26 AM

يا جماعة انا شبعت كلام ليه انا عايزة حد يقول انا نازل او نازلة اوزع البوسترات على الناس فى الشارع او فى النادى او فى اى حتة
ليه ما حدش يقولى انا حنزل اعمل فكرة مسابقة التلوين ليه ما حدش يقولى انا نازل اساعد مدمن
ليه كله كلام بتجبروا بيه خطرى يا جماعة الموضوع والله مش كلام كفاااااااااااااااااااااااااااااااااااااااااااااااا ية بجد اتحركوا اشتغلوا
ساعدوا انا والله ما عارفة انتوا مكسلين ليه دا انتوا حتكسبوا ثواب كبير اوى مستخسرين الثواب ده
يا جماعة لازم نزززززززززززززززززززززززززززززززززعق ونقول احنا مش عايزين يكون عندنا مدمنين عايزين شببنا يكونوا كويسين
كفاية كلام ارجوكوا انزلوا الشارع ووزعوا البوسترات

midonono · 20-Mar-2008, 02:34 AM

انا هوزع بوسترااااااااااات يلا بقي هنولعهااااا

yassmina · 20-Mar-2008, 01:05 PM

إن إدمان المخــدرات، مثله مثل الاتجار غير المشـــروع بها، لا يعرف الحـــدود الوطنية.

إنه يضــرب ضربته دون أي تمييز على أســاس الطبقة الاجتماعية أو الجنس أو الدين أو العرق. وهو يمزّق المجتمع ويولد الإجرام والفساد والعنف، كما يشكل عبئاً ثقيلاً على الخدمات الاجتماعية ويســاعد على انتشار الإيدز.

وثمة أعداد كبيرة جداً من الشباب يرون بأعينهم دمار حياتهم بسبب المخدرات.

ذلك أن الرغبـة في تجربة كــل ما هو جديد سمة تميز الشبــــاب، وهذا الفضــول هــو ما يستغله المتجــرون بالمخـدرات بلا وازع من ضمير. فيجب علينا اذن أن نُفهم الشباب أن المخـــدرات ليس فيها ما يستحق الافتتان، وأنها ليست جواز سفر إلى حياة أفضـــل.

ولكي يقتنعوا بهذه الحقيقة، حسبهم أن يشاهدوا أي مدمن على المخدرات.

لقد تعلمنا من الحياة أنه عندما نهبّ سوياً من كل أركان العـالم لنحــاول حل هذه المشكلة أو تلك، فسيحالفنا النجاح على الدوام تقريباً.

لقد حـان لكل الأمم أن تقول ”لا“ للمخـدرات، وحـان الوقت لكل الأمم أن تقـــول ”نعـم“ لتحديات العمل من أجل عالم خال من المخدرات.

" مقالة للاستاذ محمد عبد العزيز – الممثل الاقليمى للشرق الاوسط وشمال افريقيا"

أختي الغالية منوشا
جزاك الله خير الجزاء على الموضوع المبارك والاكثر من رائع
وأعمر قلبك بالايمان وطاعة الرحمن
وبارك الله فيكِ وسدد خطاكِ ووفقك لما يحب ويرضى
دمتِ بحفظ الرحمن ولكِ كل ودي ومحبتي

"وقد تم تثبيت الموضوع لأهميته البالغة "

شارك معانا فى حلمنا ** دى حماية حملة تتضمنا
وبعزيمة شباب مؤمنة ** هننقذ شباب مدمنة
ونول رضا ربنا ** ومحبة نبينا

شارك معانا ** شارك معانا
دى حماية حملة تتضمناااا

ومشاركتي دي مجرد تسجيل حضور ..
ولي عودة ان شاء الله حبيبتي أحلى منوشا

manosha_79 · 20-Mar-2008, 01:23 PM

بشكرك يا ميدو على حماسك وياريت بجد تكون قد كلامك وحتوزع بوسترات عشان فى ناس كتير وعدتنى وخلفت وعدها
وانا عارفة انك بتعلب رياضة يعنى بتروح النادى كتير خد معاك بوسترات ووزعها فى النادى وممكن تقترح على اصحابك انكوا لما تنزلوا تلعبوا اى ماتش تلبسوا تي شرتس مطبوع عليها البوستر بتاع الحملة
وبشكرك جدا يا ياسمين على مشاركتك الجميلة دى وشكرا على تثبيت الموضوع
وبتمنى من كل الى حيشارك بجد بالفعل مش بالكلام يجى ويكتبلنا انجازاتة ووزع قد ايه بوسترات وقد ايه من الناس ابتدوا يسمعوله
بشكركم جدا ويلا عايزاكم تولعوها